عمل رف توابل من الاركيت
حبايب قلبى وحشتونى كتير وجيت اوريكم اخر انجازاتى فى الاركيت مش حاطول عليكم فى الكلام انا كان عنى شوية برطمنات عاملة زحمة فى الدولاب بتاع المطبخ فشغلت الفوكيرة وقولت لنفسى طب يا بت يا وردة ما تخترعى انتى الرف بدل ما تشتريه وهوب روحت جايبة بواقى الخشب اللى عندى ورسمت وهندست وبدات الشغل اتفرجو معايا على الصور وهى بتبين الطريقة دى صورة للخشب قبل الشغل هو و الادوات وده التصميم على الورق ودى مراحل الشغل الاول بنقسم الخشب حسب المقاسات بالقلم وبعدين بنبدا التقطيع بمنشار الاركيت وبعد التقطيع بنسنفر الخشب بالسنفرة الخشنة للجوانب والناعمة للخشب من الوش والظهر وبعدين بنلون بالالوان بتاعت الخشب بعدها بتاخد طبقة من السيلر المخفف بالتنر عشان يملى المسام ويدينا نعومة للقطعة زى ملمس الرخام وبعدها يتسنفر ناعم وبعدين بنجمع القطع مع بعض وبندهنها فلوت مخفف بالتربنتينة او الجاز وبنسيبها لحد ما تنشف حوالى 6 ساعات او اكتر حسب الجو ودى باقى الصور عايزة اعرف رايكم بصراحة فى الفكرة دى وارجو منكم الدعاء بالخير ولو بظهر الغيب